Транспарентност и отчетност на претпријатијата во државна сопственост

Истражувањето спроведено во текот на јуни 2022 година покажа дека 30-те најголеми претпријатија во 2022 година објавиле само 48 % од информациите и од документите што треба да ги објават на своите веб-страници. Произлегува дека во период од две години е остварен минимален пораст на транспарентноста и на отчетноста на претпријатијата од само 7 процентни поени. За споредба, во 2020 година, претпријатијата објавуваа 41 % од релевантните информации и документи, додека во 2018 – само 28 %. На овој начин, транспарентноста на претпријатијата во период од две години е зголемена за само 7 процентни поени, но сè уште се наоѓа на ограничено ниво на транспарентност.