Потребата од преземање на мерките доаѓа од широкиот простор за корупција во бесправното градење и урбанизмот на што сугерираат: илјадниците бесправни градби; високиот процент нереализирани решенија за уривање на бесправно изградени објекти, како и големото учество на станбени и деловни згради меѓу дивоградбите што говори дека станува збор за нелегален бизнис, а не за решавање на индивидуални станбени прашања.
На работилницата екпертско мислење во оваа област изнесоа Вања Михајлова, д-р Мирослав Грчев и Мирослав Марковски, но своето мислење го поделија и претставници од Сојузот на стопански комори на Македонија, Државната комисија за спречување на корупцијата, Општината Ѓорче Петров, Заедницата на единици на локална самоуправа, Град Скопје и други.
Мерките за стеснување на просторот за корупција во бесправното градење може да се превземат во делот извештаи или овде.