Препораките кои произлегоа во текот на дискусијата беа сумирани и заедно со резултатите од мониторингот објавени во брошура.
Имајќи ги предвид опфатот и обемот на мониторираниот материјал, може да се рече дека станува збор за единствен од овој вид и досега најопфатен и најдлабочински мониторинг што е спроведен во земјава за начинот на којшто медиумите информираат за корупцијата. Предмет на мониторинг беа написите за корупција објавени од 1 јануари до 31 декември 2008 година во пет дневни весници (Дневник, Утрински весник, Време, Вечер и Факти). Во мониторингот беа вклучени написите кои се однесуваат на корупција, корупциски практики, обвинувања и сомневања за корупција, злоупотреба на јавни средства, како и преземените анти-корупциски мерки, активности и политики.
Оваа активност е овозможена со поддршка од Институтот за трајни заедници (ИТЗ) преку фондови на Агенцијата на Соединетите Американски Држави за меѓународен развој (УСАИД).