Кон безбедна и здрава работна средина во Северна Македонија е проект финансиран од Европската Унија и спроведен од Меѓународната организација на трудот (МОТ).
Проектот ги поддржува напорите на земјата да обезбеди секој работник да ужива во основното право на безбедна и здрава работна средина, во согласност со меѓународните трудови стандарди и процесот на усогласување со законодавството на ЕУ.
Со времетраење од 42 месеци (2025–2028), иницијативата придонесува за изградба на силен, превентивен и одржлив национален систем за безбедност и здравје при работа (БЗР). Работи во партнерство со Министерството за економија и труд, Државниот инспекторат за труд, Националниот совет за БЗР, Институтот за јавно здравје, синдикатите, организациите на работодавачи и други институции од областа на БЗР.
Проектот се фокусира на четири стратешки резултати:
Поттикнувачка национална рамка за БЗР
поддршка на развојот на современа, родово чувствителна законска и политичка средина преку законски реформи, национален профил, политика и стратегија за БЗР.
Посилен систем за инспекција на труд
унапредување на методите за инспекција, воведување дигитален систем за управување со случаи и зајакнување на капацитетите на инспекторите.
Подобрен информациски систем за БЗР
развивање единствена национална платформа за евиденција и анализа на повреди, несреќи и професионални заболувања.
Зајакнати национални капацитети и култура на превенција
јакнење на улогата на работодавачите, работниците и образовните институции во промоција на безбедноста и здравјето, преку образование, обуки за младите и јавни кампањи за подигнување на свеста.
Преку промовирање на превенција, политики базирани на податоци и ефективен социјален дијалог, проектот има за цел да ги намали повредите и професионалните заболувања, да ја подобри продуктивноста и да изгради култура на безбедност што ќе им користи на сите работници и работодавачи.